ព្រឹកថ្ងៃសុក្រ ១រោច ខែ អស្សុជ ឆ្នាំ ឆ្លូវ ត្រីស័ក ព.ស២៥៦៥ត្រូវនឹងថ្ងៃទី២២ ខែ តុលាឆ្នាំ២០២១ នៅសាលាខេត្តកំពត លោក អុឹង ឆាយ អភិបាលរងខេត្ត និងមន្ទីរ អង្គភាពពាក់ព័ន្ធ រួមមាន៖ មន្ទីរកសិកម្ម រុក្ខាប្រមាញ់ និងនេសាទ, មន្ទីរពាណិជ្ជកម្ម, មន្ទីរទេសចរណ៍, មន្ទីរកិច្ចការនារី មន្ទីរអភិវឌ្ឍន៍ជនបទ, មន្ទីរធនធានទឹក និងឧតុនិយម, មន្ទីរសេដ្ឋកិច្ច និងហិរញ្ញវត្ថុ និងមន្ទីរឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ បានចូលរួមវេទិកាកសិករថ្នាក់តំបន់ឆ្នេរ ស្តីពី “ការលើកកម្ពស់ទីផ្សារ និងការកែច្នៃកសិផលរបស់កសិករខ្នាតតូច និងមធ្យម" ដែលរៀបចំដោយអង្គការមិនមែនរដ្ឋាភិបាល ស្តីពីកម្ពុជា និងអង្គការដៃគូ តាមរយ:ប្រព័ន្ធវីដេអូពីចម្ងាយ​ (zoom)។

សូមជម្រាបថា ការរៀបចំវេទិកានេះឡើងក្នុងគោលបំណង៖
-ជំរុញ និងលើកទឹកចិត្តអោយមានការកែច្នៃកសិផលរបស់កសិករខ្នាតតូច និងមធ្យម ដើម្បីទប់ស្កាត់ការខូត ដំណាំខូចគុណភាព (ការលើកកម្ពស់ការគ្រប់គ្រងផលិតផលកសិកម្មក្រោយពេលប្រមូលផល)
-ជំរុញ និងលើកកម្ពស់ទីផ្សាររបស់កសិករខ្នាតតូច និងមធ្យម ដើម្បីផ្សារភ្ជាប់វិស័យឯកជន ស្ថាប័នរដ្ឋ និងស្ថាប័នពាក់ព័ន្ធ ក្នុងការដោះស្រាយ និងទប់ស្កាត់ការខូតខាត និងផលដំណាំខូចគុណភាព
-ជំរុញការអនុវត្តគោលនយោបាយដែលពាក់ព័ន្ធទាំងនៅថ្នាក់ក្រោមជាតិ និងថ្នាក់ជាតិ ដើម្បីគាំទ្រកសិករ ខ្នាតតូច និងមធ្យម ជាពិសេសស្ត្រី ដើម្បីឱ្យពួកគាត់មានឱកាសកាន់តែច្រើនឡើងក្នុងការផ្គត់ផ្គង់ កសិផល និងបង្កើនការកែច្នៃ កសិផល តាមតម្រូវការទីផ្សារ។