![](https://asset.cambodia.gov.kh/provincial/sites/4/2021/03/IMG_20210325_191343_253-1024x682.jpg)
រសៀលថ្ងៃព្រហស្បតិ៍ ១២កេីត ខែចេត្រ ឆ្នាំជូត ទោស័ក ព.ស ២៥៦៤ ត្រូវនឹងថ្ងៃទី ២៥ ខែ មីនា ឆ្នាំ២០២១ ឯកឧត្ដម ជាវ តាយ អភិបាលនៃគណ:អភិបាលខេត្តកំពត បានដឹកនាំកិច្ចប្រជុំអនុគណ:កម្មការចំពោះកិច្ចចាក់វ៉ាក់សាំងកូវីដ ១៩ ក្នុងក្របខណ្ឌទូទាំងខេត្ត ដែលមានការអញ្ជេីញចូលរួមពី លោកជំទាវអភិបាលរងខេត្ត មន្ទីរអង្គភាព ពាក់ព័ន្ធ អង្គភាពចំណុះសាលាខេត្ត និងកងកំលាំងទាំង៣ប្រភេទ សរុបចំនួន ៣០នាក់។
តាមរបាយការណ៍របស់លោកប្រធានមន្ទីរសុខាភិបាលខេត្តកំពតបានឲ្យដឹងថា: ការចាក់វ៉ាក់សាំងកូវីដ១៩ លេីកទី១ សម្រាប់ខេត្តកំពត គិតត្រឹមថ្ងៃទី ២៤ ខែមីនា ឆ្នាំ២០២១នេះ ចាក់បានចំនួន ៣២៨៧នាក់ស្រី ៩៥៩នាក់ និងកំពុងត្រៀមទទួលវ៉ាក់សាំងលេីកទី២ នៅប៉ុន្មានថ្ងៃខាងមុខនេះ។
មានប្រសាសន៍នៅក្នុងអង្គប្រជុំ ឯកឧត្ដម ជាវ តាយ ណែនាំដល់មន្ទីរអង្គភាពពាក់ព័ន្ធ ជាពិសេសមន្ទីរមុខងារសាធារណ: និងមន្ទីរសុខាភិបាលត្រូវសហការណ៍គ្នាប្រមូលស្ថិតិមន្រ្តីរាជការ កងកំលាំងទាំង៣ លោកគ្រូអ្នកគ្រូ និងអតីតយុទ្ធជនដែលចូលនិវត្ត ត្រៀមស្ថិតិទាំងនេះដេីម្បីអនុវត្ត នៅពេលវ៉ាក់សាំងកូវីដ លេីកទី២មកដល់។ ឯកឧត្ដមអភិបាលខេត្ត បានផ្សព្វផ្សាយដល់អង្គប្រជុំ ត្រូវបន្តអនុវត្ត ៣កុំ ៣ការពារ ដេីម្បីរួមគ្នាទប់ស្កាត់នូវការរីករាលដាលនៃជម្ងឺកូវីដ១៩។
![](https://asset.cambodia.gov.kh/provincial/sites/4/2021/03/IMG_20210325_191347_003-1024x682.jpg)
![](https://asset.cambodia.gov.kh/provincial/sites/4/2021/03/IMG_20210325_191349_105-1024x682.jpg)
![](https://asset.cambodia.gov.kh/provincial/sites/4/2021/03/IMG_20210325_191351_685-1024x682.jpg)